شرت فستان أبيض من ضمير مسلم البراك

[ماجد الخالدي]

(قصيدة حصرية للمنتدى)




وقرّب عرسها واجتمعت الدنيا تهنيها
وشرت فستان أبيض من ضمير مسلم البراك

وشرت غرفة وقالت عطني رايك شاعري فيها
وش اللي شايفه ؟ يا سيد التدقيق والإدراك

انا اشوفه على ذاك الكنب يلمس أياديها
وياخذ حقه الشرعي على فراش السرير هناك

سكت وقد ما أقدر دموعي كنت أداريها
وأحاول أبتسم .. واجحد شعور اليأس والانهاك

حبيبة جرحي .. في صدري قصايد لو سمعتيها
فهمتي كيف انا كثر الحزن عند الفراق أهواك

تفاجأت بوجع ينهش من أعصابي ويفنيها
أصيل اللي اسمه الـ ( قولون ) .. لا قفى حبيبك .. جاك

هنا كان الفشل أسدل ستارة .. ما لمحتيها
على قصة رجل لو هو نسى نفسه صعب ينساك

ممرات (الأفنيو) شاهده .. لو ما ذكرتيها
وعساني لا خسرتك مااخسر يا غاليه ذكراك


ماجد الخالدي

[Gror dshti]

ممرات (الأفنيو) شاهده .. لو ما ذكرتيها
وعساني لا خسرتك مااخسر يا غاليه ذكراك...
nice wo0 akt'her mn nice alsra7a waed 3jbtny asln kl shy mnk y3jbny >>> ay shy

[ماجد الخالدي]

أهلين آنسة غرور
لي الشرف بتواجدج وكلماتج الكريمة
مشكووورة على حضورج

وانتي لو الله يفكج من كلمة -أي شي- جان احنا بخير هههههه

[بــــيور]

حبيبة جرحي .. في صدري قصايد لو سمعتيها
فهمتي كيف انا كثر الحزن عند الفراق أهواك

جميل ما كتبت استمتعت بالقراءة.>>>.يسلمووو
غرووور ههه وأنا بعد أوافق ماجد..

[ماجد الخالدي]

بيور
تحيتي لحضورك الأنيق
وتوقيعك الجميل
شكرا

[بــــيور]

عاد توني بغيرة بس خلاص غيرت راي دام اعجبك أستاذي

[aNgEl]

أستلذ بقضم أحرفكـ

طبت ..

(f)

[Gror dshti]

أهلين آنسة غرور
لي الشرف بتواجدج وكلماتج الكريمة
مشكووورة على حضورج

وانتي لو الله يفكج من كلمة -أي شي- جان احنا بخير هههههه
ثـآآـآآنــكس ماجد باشا...
اي شي >> اهم شي بحياتي :rolleyes:

[~{ دعنـآ من آلأسِمٍَاء .,]

:


وقرّب عرسها واجتمعت الدنيا تهنيها



حبيت الواو الي في أول شطر ..
كأنك تكلم احد يعرف الموضوع اصلا .
ودخلت بالموضوع على طول ..
لانه شي يلامسك ومايحتاج مقدمه .


وش اللي شايفه ؟ يا سيد التدقيق والإدراك

موجعه الأسأله المشابهه
.. ذكرتني بأغنية نوال .. لما قالت
ضاقت عليك ومالقيت الا أنا .. تقول وش رايك في محبوبي الجديد ..

نفسها بالضبط احساس عاشق تستشيره الي يحبها في شكل خاتم خطوبتها لغيره :)
وبرضو نفس البيت الي ابدعته انت :)

حبيت . قافية العجز . جدا .,

وحسيت كثير بكلمة ( الأنهاك ) .. اختيار موفق جدا للفظ .

صح لسانك .,
وو .. و .. انتضار الحرف الجميل :) .. شيء جميل برضو :d

بقيت سالم .

:

[ماجد الخالدي]

آنجل
كل الشكر لك
فرحت بحضورك سيدتي

[شيما]

ماجد
أيها الرائع في كل مكان...
ياصاحب القلم الذي إن أراد كان كالسوط...

أو كالريشة...كما يُحب..وكما نُحب...

حصريا للمنتدى وللجمال...
كن جميلاً أينما حللت...

ودّي

[CuTe - RoRa]

شــــي مو طــبيـ ع ـي وربي ..

,, صـح لسآآنكـ مآجد ..

شـي خيـــــــــآآآآآآلي والله .. روعـة × روعـة ..

.
.
" تفاجأت بوجع ينهش من أعصابي ويفنيها
أصيل اللي اسمه الـ ( قولون ) .. لا قفى حبيبك .. جاك


هنا كان الفشل أسدل ستارة .. ما لمحتيها
على قصة رجل لو هو نسى نفسه صعب ينساك


ممرات (الأفنيو) شاهده .. لو ما ذكرتيها
وعساني لا خسرتك مااخسر يا غاليه ذكراك"

لا تحرمنـآ يـديدكـ ..

[نفيشة]

( الله يعطيك العافيه ياااااماجد والله ذوق على الشعر الجميل ) ؟؟؟؟؟؟؟؟؟؟؟؟؟؟؟؟؟؟؟؟؟؟؟

[نفيشة]

"{الله ايطيك العافيه يا ماجد على اشعر الي اكثر من رووووووووووعه بس يااا اليت تكتب لنا شعر عن الفراااق وعن الحب من طرف وااااحد اماااااانه ؟؟؟ بس إذا مااااااافيها كلااافه }"

[الحره المقيده]

الللللللله عليك يا ماجد احساس
وصح لسانك
ماادري ليش كل ما اقرا لك احس اني بعالم ثاني

[خيالة الشوق]

قصيدة حلووووة

حبيبة جرحي .. في صدري قصايد لو سمعتيها
فهمتي كيف انا كثر الحزن عند الفراق أهواك


الصراحة عجبتني لا تحرمنا من جديدك لانه كل شي من الشاعر ماجد الخالدي غيرررررررر بانتظار......................... جديدك

[الشعطانيه]

مــــــــــرحبااا مــــــــــــــاجد

وصح لســــــــــانك عالابـــــــــــداع

[*. حـــلا .*]

مبدع دائما . .
صح لسانك . . لاهنت ع الابيآت :>

لك ودي احترامي :)

[جيجي]

حبيبة جرحي .. في صدري قصايد لو سمعتيها
فهمتي كيف انا كثر الحزن عند الفراق أهواك

^ صح لسانك^

اتحفتنا يا اخوي والله قصيده جميله
بس منهو مسلم البراك؟؟* وحده نشبه* ههههههه

[هو]

أريج الخالدي

مسلم البراك = عضو في مجلس الأمة الكويتي

[جيجي]

اهاااا ( هو)
السموحه اختك من السعوديه.
شاكره لك الرد على تساؤؤلاتي

[امير الاحساس]

ماجد الخالدي

منو غيرك يقدر يشرح هالمعاناة
انته الوحيد اللي قدرت تجسد معاناة العاشق بليلة زواج (معشوقته)

مبدع مبدع مبدع قليله بحقك

عسى ربي ما يحرمنا من هالابداع

حبيبة جرحي .. في صدري قصايد لو سمعتيها
فهمتي كيف انا كثر الحزن عند الفراق أهواك

الله الله الله عليك
بيت راااااااااااااااااااااااااااااااااااااائع

[نور الكويـت$$]

وقرّب عرسها واجتمعت الدنيا تهنيها
وشرت فستان أبيض من ضمير مسلم البراك

روعه صح لسانك يالمبدع